1 min read
2023年中秋節有3日連假，係尼個快樂嘅連假可以點樣把握玩到盡興？今次小編幫大家整理咗一啲放假好去處，除咗留係屋企休息同埋打機，仲可以去感受下大自然嘅美妙同埋把握機會拍拖或者陪下屋企人，又或者可以參加下工作坊，享受下親子時間或者同情侶拍拖嘅時間！
2023年中秋節 – 推薦一：海灘漫步賞月
石澳前灘，後灘或者海角郊遊區都可以係入夜後欣賞超靚景色！如果想去可以係筲箕灣坐20分鐘小巴到石澳，朝早係海灘玩水或者曬太陽，入夜後月亮係海平線緩緩升起嘅景象非常靚，月出前有肯能可以見到銀河添，好浪漫，極度適合想拍拖嘅情侶去！
2023年中秋節 – 推薦二：獨木舟&露營體驗
西貢一直都可以見到好多人去Camping，而中秋節不妨試下，感受下大自然嘅美好，同時又可以俾個機會小朋友們同大自然接觸下，唔洗成日對住個電話或者電腦Mon，又可以做下運動，好適合大家中秋節連假去玩！大家首先可以係朝早玩獨木舟先，夜晚就追月，追完月可以順便係徑白普理堂赤徑青年旅舍到租個帳篷camp一晚，都可以自備LED串燈、旗仔來裝飾個帳篷，令到佢更加有個人風格，無論係打卡定係享受大自然都係一個唔錯嘅選擇！
2023年中秋節 – 推薦三：弦月蠟燭工作坊
中秋節其中一個重頭戲就係同屋企人賞月啦，趁住中秋節整一個象徵團圓嘅蠟燭送俾屋企人或者親戚真係一個唔錯嘅選擇！本地手工蠟燭品牌 Make Your Day Candle 將會係尖沙嘴誠品2/F座位區教授弦月蠟燭工作坊，除了會利用不同技巧做出月亮表面的像真感，亦會教你親自調配心儀香味！係咪好吸引呢？有興趣嘅朋友仔可以係9月29號13:30-15:30參加工作坊，準備尼個驚喜俾摯愛啦～
