唔知漫漫長夜點過？好悶想搵啲嘢做？好想出Pool？最近由奧斯卡影后珍妮花·羅倫絲 (Jennifer Lawrence) 聯手哈佛學霸安德魯·費德曼主演荷李活Sex Comedy 《調教你處男 》(No Hard Feelings)就啱曬啦！電影情節搞笑，主角演技自然，肯定可以為大家帶來一個難忘嘅夜晚。
電影主要講述Maddie姐係一個司機想保住間屋但係自己㗎車又被人沒收咗，咁啱又見到有富豪家長係廣告求救希望有大姐姐可以幫自己個宅仔仔Percy係入大學前出pool，回報會送架車俾個大姐姐，於是去咗應徵。而Mad姐同個宅宅富二代嘅相處就充滿住搞笑同埋牛頭唔搭馬嘴嘅對話同行動，而最後Mad姐會唔會可以成功幫宅宅富二代出pool拿到佢夢寐以求嘅車呢？就等你自己發現啦。
調教你處男 珍妮花羅倫絲第一次演喜劇（劇照）
故事內容小編覺得非常有趣，狂野大姐姐同宅宅小男孩嘅互動已經有好多唔同嘅搞笑moment可以俾你笑出聲，而且有啲對白其實很明顯係大尺度嘅，但係純情宅宅就可以用純情咁解讀令Mad姐深感無奈，而且仲有Mad姐用緊各種手法去勾引誘惑的手段去達到幫仔仔出pool而惹出唔同嘅笑話，令小編笑到肚痛，都令其他觀眾笑聲朗朗，完全符合佢哋喜劇片嘅定位。
調教你處男 Maddie姐第一次勾引純情Percy（劇照）
電影整體而言節奏唔錯，演員之間嘅火花都好激烈，而且故事都有向住觀眾意想不到嘅方向發展，原本可能會以為係Mad姐單方面調教仔仔嘅故事，但係其實仔仔都有令Mad姐改變，而且故事係中期開始交代返Mad姐以往嘅背景更加係令人明白佢點解會想亂來多過投入一段感情，故事都有探討父母對自己仔女嘅態度與行為會導致嘅問題，令尼部喜劇多咗啲意想不到嘅驚喜。
調教你處男 Maddie享受Percy帶俾佢嘅驚喜（劇照）
總括而已小編很推薦大家去睇套電影，雖然係有少量露骨情節但係並冇將啲色情笑話放係嘴邊，係一套質素唔錯嘅電影！
