無線電視有限公司（TVB）的官方Linkedin帳戶突然出現另類廣告，以「匪夷所思」為題，控訴客戶的媒體購買決定不合理，指他們寧願選擇價格較高的電視台落廣告也不選擇TVB。事件與網路上引起極大迴響，不少網民紛紛討論協助TVB解惑，分析潛在廣告客戶不肯於其電視台落廣告的原因。
隨後TVB發出聲明回應事件，指出該帖文並不存在攻擊之說，強調無意針對任何人，隨後亦指出討論和增加推廣「收視點成本」，是有利電視和廣告業健康發展，最後表示他們致力求進步，加快發展步伐，迎合市場需求。
TVB在其Linkedin戶口帖文，內容如下：
❓ 點解 (ViuTV 嘅廣告位) 𝗖𝗣𝗥𝗣 貴到咁都仲要買？
❓ 點解(TVB) 𝗥𝗮𝘁𝗶𝗻𝗴𝘀咁高(大家)都睇唔到?
❓ 點解Marketers唔要高𝗥𝗢𝗜?
❓ 唔通你(Marketer)真係唔使同老闆交代？
等我試下代答啦！
❓ 點解 (ViuTV 嘅廣告位) 𝗖𝗣𝗥𝗣 貴到咁都仲要買？
好簡單，因為TVB觀眾群，唔係客戶想要Target 嘅audience，no offence。優勝劣敗，從來都係商業社會運作方式，輪到你就輸唔起？
既然知人哋貴，又有人肯買，姐係客戶覺得值啦，你仲未醒？咁嘅問題，其實喺度間接承認對家做得比你好，又幾大方喎。
❓ 點解(TVB) 𝗥𝗮𝘁𝗶𝗻𝗴𝘀咁高(大家)都睇唔到?
睇到，冇睇開TVB 都知《下流上車族》多人睇，點敢唔知呀🤣？但，Marketer 決定喺咩Media落廣告，除咗睇收視亦會睇網上討論熱度同媒體報導數目，喺呢方面，唔見得TVB優勝好多喎。
❓ 點解Marketers唔要高𝗥𝗢𝗜?
收視高低同Return On Investment並無直接關係，你大台收視高，但睇節目嘅可能係一班擁有高尚節儉美德，絕不亂花錢嘅師奶阿伯；反觀ViuTV 觀眾雖可能較少，卻係一班搵到又肯花錢嘅高質潛在客群，加上肯為撐偶像而買嘢嘅鏡粉，Marketer 要有ROI ，當然知點揀！
情況就好似雜誌，有八卦雜誌如東周、明週，亦有行高端形象嘅Tatler 、號外，論銷量前者當然較好，但有錢品牌還是選擇在後者落廣告，為嘅，當然係ROI❗️
❓ 唔通你(Marketer)真係唔使同老闆交代？
正正就係要同老細交代，先至唔敢落TVB 。講到尾，收視再高，有生意先至最重要；Marketer 唔係傻，喺低收視嘅ViuTV 落廣告，竟然都返到數，喺ViuTV absolute廣告費平過TVB 之下，喺前者落廣告，其實更抵！
TVB Post 原Link: https://www.linkedin.com/posts/tvb_tvb-jade-drama-activity-6988790510651932672-FDAw
TVB聲明：
電視廣播(00511.HK)表示，就近日其市場及營業部於網絡發表的專業評論而引起關注一事，有關言論並不存在攻擊之說，原文表達CPRP(收視點成本)為一項具重要性科學量度方程式，希望引起市場關注，突出CPRP的重要性。 TVB認為，作為行業一致公認的計量效益標準，討論和增加推廣CPRP絕對是有利電視和廣告業健康發展，亦符合廣告客戶的最大利益。事件無意針對任何人、亦不存在攻擊廣告業界之說。公司致力求進步，加快發展步伐，迎合市場需求。
