繼去年與林家謙合作後，來自 譚仔雲南米線 的「譚仔女聲合唱團」於4月14推出派台新作，以Hip-Hop風格衝擊樂壇，以鄧東成EAST CITY和李一丁為班底，與MC $oHo & KidNey推出新歌《夢想成真 2022》。 其實早於2021年11月3日已經在 譚仔雲南米線 Tamjai Yunnan Mixian Youtube channel 暗示即將有「譚仔女聲合唱團」登場， 結果今日夢想成真。
《夢想成真2022》由鄧東成East City、MC $oHo及獨立音樂人Billy Choi負責作曲，MC $oHo及Billy Choi填詞，鄧東成East City及李一丁監製。歌詞以黑色幽默方式細訴香港市民在疫情前的夢想，包括「返工唔使塞車」、「唔使返咁多工」及「日日留喺屋企」等， 非常有共鳴！
我哋嘅夢想係…以音樂衝擊全球樂壇講到rap，又點可以唔同佢哋rap呢？為大家正式揭曉，「譚仔女聲合唱團」嘅 comeback 鉅作 — 聯同鬼才組合MC $oHo & KidNey rap出嘅全新單曲 – 夢想成真 2022 (feat. 譚仔女聲合唱團)！
疫情令他們的夢想成真，但他們沒有想過「許願嗰陣冇諗過搞成咁」，更改變了一般人的生活模式和帶來「希望在明天， 明天去咗邊」的種種苦況。疫情下好多夢想可能都被擱置或者改變，但「無論路程幾遠都要為夢想『而付』出」。譚仔姐姐希望以作品說話，喚起大家對夢想嘅初心，等大家喺繃緊嘅生活中放鬆一下。
【真實評測】評價8.5《 魔戒:開戰時刻 》值得玩? 不需要重度課金也能玩! 免費送你遊戲兌換禮包
MC $oHo & KidNey – 夢想成真2022 (feat. 譚仔女聲合唱團)
主唱：MC $oHo & KidNey、譚仔女聲合唱團
作曲：鄧東成EAST CITY、MC $oHo、Billy Choi
填詞：MC $oHo、Billy Choi
編曲：鄧東成EAST CITY
監製：鄧東成EAST CITY 、李一丁
我有一個夢想
我希望
大家返工 唔駛塞車
最好 唔駛返咁多工
日日留喺屋企𠻹啦
Please
夢想成真 願望好誠懇
許願嗰陣 冇諗過搞成咁
夢想成真 願望好誠懇
許願嗰陣 冇諗過搞成咁
每一次 一次 抱住希望等明天
冇諗過個明天 已經等咗兩年
一次又一次 你話希望在明天
我個明天 個明天 究竟去左邊
成日頭 痛 痛 痛 晏晝起身 work from home
要撈野 衝 衝 衝 你叫我早啲放工
又冇人工 悶到頭痛
遊樂場封 封 封 你叫我點樣放鬆
食個晏 要過三關
新習慣 係戒晚餐
共渡時艱 但佢話要散
有冇得掹 我有冇得揀
許左咁嘅願 係咪可以唔算
以為好快完 點知 又派消費券
兜咗幾個圈 仲未到又一村
人算不如天算 我唔會夠個天寸
夢想成真 願望好誠懇
許願嗰陣 冇諗過搞成咁
夢想成真 願望好誠懇
許願嗰陣 冇諗過搞成咁
每一次 一次抱住希望等明天
冇諗過個明天 已經等咗兩年
一次又一次 你話希望在明天
我個明天 個明天 究竟去左邊？
Please hold on 講呢句講到口乾
Don’t 驚慌 心情好自然健康
世界係難撈 唔難就唔駛你嚟撈
我信你 一定做到 努力上位係呢鋪
馬死落地行 心情唔再悠悠閒
等到個市好返 服務態度要做返啱
唔呻朝十晚十慘 唔再鬧客人好煩
直頭門都幫佢掹 祝埋佢好聲行
搵食就係 滿身泥濘
唔好同我 扮哂黎明
明唔明 你控制唔到風雨 停唔停
明唔明 我地理得個天 晴唔晴
認真許願 心態唔可以輕率
就算路程幾遠 都要為夢想「而付」岀
發生乜嘢意外 都要學識等待
留得青山在 咁樣先為「之忍」耐
每一次 一次抱住希望等明天
冇諗過 個明天 已經等咗兩年
一次又一次 你話希望在明天
我個明天 個明天 就信多一次先
搵食 就係滿身 泥濘
唔好同我 扮哂黎明
明唔明 你控制唔到風雨 停唔停
搵食 就係滿身 泥濘
唔好同我 扮哂黎明
明唔明 我哋理得個天 晴唔晴
【MC $oHo & KidNey – 夢想成真 2022 (feat. 譚仔女聲合唱團)】
