《天涯明月刀M》預約突破50萬人!首次公開最細緻嘅捏臉系統!個樣想點整就點整!

廣告
1 min read

《天涯明月刀 M》捏臉系統共有600+ 種可能俾玩家打造出專屬面容

《天涯明月刀 M》日前第一次限量封測就完滿結束,玩家嘅熱烈參與令到封測第一日就達到開放人數上限。官方提醒用戶第二次嘅封測即將開啟,凡喺參與事前預約或者有喺第一次封測期間獲得邀請碼嘅用戶都有資格參加。另外,官方亦都喺今日正式揭露遊戲內嘅高度逼真捏臉系統介紹同影片。

宣傳影片:

《天涯明月刀 M》嘅捏臉系統設計得極之細緻,無論喺髮型、瞳孔顏色、妝容、膚色、面部裝飾都各自有 20 種左右嘅選擇,同時,從性別、體型、到五官嘅每一個部位都能夠自由咁調整大細、角度、以及形狀,真正能夠達到所謂嘅「千人千面」,走喺街度永遠都唔會同人撞樣。同時,喺捏完你嘅專屬面貌之後,仲可以模擬角色喺唔同嘅天氣、服裝以及姿勢下呈現嘅姿態,俾你整到最滿意之後先開始你嘅冒險。

《天涯明月刀 M》角色捏臉遊戲內實機拍攝畫面,可以看見細緻嘅肌膚紋理

當然,對於怕麻煩嘅人,《天涯明月刀 M》都有提供簡易嘅捏臉功能,以及已經捏好嘅十幾種樣板任君選擇,甚至玩家都可以喺「捏臉空間」嘅地方中睇到其他玩家嘅捏臉作品直接拎嚟用、或者根據你揀嘅樣板再自己微調一下,大大咁減少咗捏臉嘅時間。

就算係拎遊戲內嘅預設模版,依然容貌出眾,就算唔識捏臉都完全唔係問題

目前,《天涯明月刀 M》嘅第一次封測已經正式結束,官方亦公布咗幾個有趣數據,喺封測期間,玩家嘅總捏臉時間長達250小時,可以睇到遊戲嘅捏臉細緻程度,而其中總共有37% 嘅玩家揀咗女性角色、24% 嘅玩家揀咗少女角色,其餘就係男性角色,可以發現女性角色受歡迎嘅程度遠遠大於男性角色。另外,《天涯明月刀 M》嘅總預約人數亦都正式突破了50萬人,在第二輪封測開始前,凡係有參與事前預約嘅玩家均有機會獲得參與封測嘅資格。更多關於《天涯明月刀 M》嘅資訊,請關注官方粉絲專頁。

事前預約網站連結
iOS 商店預約
Google Play 商店預約
官方粉絲專頁

 

 

Here's Deputy Chief Editor from KINGO Media Co. For any inquiries, feel free to contact at jacklam@kingo.com.hk PR / Newsroom : news@kingo.com.hk